دل نہیں جب تو خاک ہے دنیا
اصل جو چیز تھی وہی نہ رہی

عزیز لکھنوی

---

---

دل سمجھتا تھا کہ خلوت میں وہ تنہا ہوں گے
میں نے پردہ جو اٹھایا تو قیامت نکلی

عزیز لکھنوی

---

---

دعائیں مانگی ہیں ساقی نے کھول کر زلفیں
بسان دست کرم ابر دجلہ بار برس

عزیز لکھنوی

---

---

دنیا کا خون دور محبت میں ہے سفید
آواز آ رہی ہے لب جوئے شیر سے

عزیز لکھنوی

---

---

ہائے کیا چیز تھی جوانی بھی
اب تو دن رات یاد آتی ہے

عزیز لکھنوی

---

---

حادثات دہر میں وابستۂ ارباب درد
لی جہاں کروٹ کسی نے انقلاب آ ہی گیا

عزیز لکھنوی

---

---

ہم تو دل ہی پر سمجھتے تھے بتوں کا اختیار
نسب کعبہ میں بھی اب تک ایک پتھر رہ گیا

عزیز لکھنوی

---

---