غنچہ کو میں نے چوما لایا دہن کو آگے
بوسہ نہ مجھ کو دیوے وہ نکتہ یاب کیوں کر

عبدالرحمان احسان دہلوی

---

---

اتوار کو آنا ترا معلوم کہ اک عمر
بے پیر ترے ہم نے ہی اطوار کو دیکھا

عبدالرحمان احسان دہلوی

---

---

جاں کنی پیشہ ہو جس کا وہ لہک ہے تیرا
تجھ پہ شیریں ہے نہ خسروؔ کا نہ فرہاد کا حق

عبدالرحمان احسان دہلوی

---

---

جو پوچھا میں نے دل زلفوں میں جوڑے میں کہاں باندھا
کہا جب چور تھا اپنا جہاں باندھا وہاں باندھا

عبدالرحمان احسان دہلوی

---

---

کون ثانی شہر میں اس میرے مہ پارے کی ہے
چاند سی صورت دوپٹہ سر پہ یک تارے کا ہے

عبدالرحمان احسان دہلوی

---

---

خاک آب گریہ سے آتش بجھے ناچار ہم
جانب کوئے بتاں جوں باد صرصر جائیں گے

عبدالرحمان احسان دہلوی

---

---

کس کو اس کا غم ہو جس دم غم سے وہ زاری کرے
ہاں مگر تیرا ہی غم عاشق کی غم خواری کرے

عبدالرحمان احسان دہلوی

---

---