رہا خواب میں ان سے شب بھر وصال
مرے بخت جاگے میں سویا کیا

امیر مینائی

---

---

روز و شب یاں ایک سی ہے روشنی
دل کے داغوں کا چراغاں اور ہے

امیر مینائی

---

---

سادہ سمجھو نہ انہیں رہنے دو دیواں میں امیرؔ
یہی اشعار زبانوں پہ ہیں رہنے والے

امیر مینائی

---

---

سارا پردہ ہے دوئی کا جو یہ پردہ اٹھ جائے
گردن شیخ میں زنار برہمن ڈالے

امیر مینائی

---

---

ساری دنیا کے ہیں وہ میرے سوا
میں نے دنیا چھوڑ دی جن کے لیے

امیر مینائی

---

---

سب حسیں ہیں زاہدوں کو ناپسند
اب کوئی حور آئے گی ان کے لیے

امیر مینائی

---

---

سمجھتا ہوں سبب کافر ترے آنسو نکلنے کا
دھواں لگتا ہے آنکھوں میں کسی کے دل کے جلنے کا

امیر مینائی

---

---