کچھ اس طرح کے بہاروں نے گل کھلائے ہیں
کہ اب تو فصل بہاراں سے ڈر لگے ہے مجھے

اختر مسلمی

---

---

لذت درد ملی جرم محبت میں اسے
وہ سزا پائی ہے دل نے کہ خطا جھوم اٹھی

اختر مسلمی

---

---

میرے کردار میں مضمر ہے تمہارا کردار
دیکھ کر کیوں مری تصویر خفا ہو تم لوگ

اختر مسلمی

---

---

مرے دل پہ ہاتھ رکھ کر مجھے دینے والے تسکیں
کہیں دل کی دھڑکنوں سے تجھے چوٹ آ نہ جائے

اختر مسلمی

---

---

مجھ کو منظور نہیں عشق کو رسوا کرنا
ہے جگر چاک مگر لب پہ ہنسی ہے اے دوست

اختر مسلمی

---

---

رہ وفا میں لٹا کر متاع قلب و جگر
کیا ہے تیری محبت کا حق ادا میں نے

اختر مسلمی

---

---

صبر و قرار دل مرے جانے کہاں چلے گئے
بچھڑے ہوئے نہ پھر ملے ایسے ہوئے جدا کہ بس

اختر مسلمی

---

---