فریب خوردہ ہے اتنا کہ میرے دل کو ابھی
تم آ چکے ہو مگر انتظار باقی ہے

اختر مسلمی

---

---

ہاں یہ بھی طریقہ اچھا ہے تم خواب میں ملتے ہو مجھ سے
آتے بھی نہیں غم خانے تک وعدہ بھی وفا ہو جاتا ہے

اختر مسلمی

---

---

ہر شاخ چمن ہے افسردہ ہر پھول کا چہرہ پژمردہ
آغاز ہی جب ایسا ہے تو پھر انجام بہاراں کیا ہوگا

اختر مسلمی

---

---

انصاف کے پردے میں یہ کیا ظلم ہے یارو
دیتے ہو سزا اور خطا اور ہی کچھ ہے

اختر مسلمی

---

---

اقرار محبت تو بڑی بات ہے لیکن
انکار محبت کی ادا اور ہی کچھ ہے

اختر مسلمی

---

---

جو با خبر تھے وہ دیتے رہے فریب مجھے
ترا پتہ جو ملا ایک بے خبر سے ملا

اختر مسلمی

---

---

خوشی ہی شرط نہیں لطف زندگی کے لیے
متاع غم بھی ضروری ہے آدمی کے لیے

اختر مسلمی

---

---