لب شیریں سے اگر ہو نہ تیرا لب شیریں
کوہ کن تو بھی تو اب دامن کہسار نہ چھوڑ

قاسم علی خان آفریدی

---

---

مارا جاوے گا بھاگ اے ناصح
دیکھ یہ نازنیں سوار آیا

قاسم علی خان آفریدی

---

---

مجھے خوشی کہ گرفتار میں ہوا تیرا
تو شاد ہو کہ ہے ایسا شکار اسیر مرا

قاسم علی خان آفریدی

---

---

ناصحا وعظ جو کہتا تھا تجھے بن دیکھے
دیکھتے ہی تجھے پھر جان کو کھوتے دیکھا

قاسم علی خان آفریدی

---

---

نرگسی چشم دکھا کر کے وہ وحشت زدہ یار
یہ گیا وہ گیا جس طرح غزال آپ سے آپ

قاسم علی خان آفریدی

---

---

شیخ مجھ کو نہ ڈرا اپنی مسلمانی تھام
ہم فقیروں کا کسی رنگ سے ایمان نہ جائے

قاسم علی خان آفریدی

---

---

شراب ساقیٔ کوثر سے لیجو آفریدیؔ
یہ بادہ نوشئ دنیا ہے تجھ کو ننگ شراب

قاسم علی خان آفریدی

---

---