اک ادنیٰ سا پردہ ہے اک ادنیٰ سا تفاوت
مخلوق میں معبود میں بندہ میں خدا میں

پروین ام مشتاق

---

---

جاں گھل چکی ہے غم میں اک تن ہے وہ بھی مہمل
معنی نہیں ہیں بالکل مجھ میں اگر بیاں ہوں

پروین ام مشتاق

---

---

جنوں ہوتا ہے چھا جاتی ہے حیرت
کمال عقل اک دیوانہ پن ہے

پروین ام مشتاق

---

---

کبھی نہ جائے گا عاشق سے دیکھ بھال کا روگ
پلاؤ لاکھ اسے بد مزہ دوائے فراق

پروین ام مشتاق

---

---

کس طرح کر دیا دل نازک کو چور چور
اس واقعہ کی خاک ہے پتھر کو اطلاع

پروین ام مشتاق

---

---

کسی کے سنگ در سے ایک مدت سر نہیں اٹھا
محبت میں ادا کی ہیں نمازیں بے وضو برسوں

پروین ام مشتاق

---

---

کچھ تو کمی ہو روز جزا کے عذاب میں
اب سے پیا کریں گے ملا کر گلاب میں

پروین ام مشتاق

---

---