ہم تو مسجد سے بھی مایوس ہی آئے ناطقؔ
کوئی اللہ کا بندہ تو مسلماں ہوتا

ناطق گلاوٹھی

---

---

ہمارے عیب میں جس سے مدد ملے ہم کو
ہمیں ہے آج کل ایسے کسی ہنر کی تلاش

ناطق گلاوٹھی

---

---

ہمیں جو یاد ہے ہم تو اسی سے کام لیتے ہیں
کسی کا نام لینا ہو اسی کا نام لیتے ہیں

ناطق گلاوٹھی

---

---

ہمیں کم بخت احساس خودی اس در پہ لے بیٹھا
ہم اٹھ جاتے تو وہ پردہ بھی اٹھ جاتا جو حائل تھا

ناطق گلاوٹھی

---

---

ہچکیوں پر ہو رہا ہے زندگی کا راگ ختم
جھٹکے دے کر تار توڑے جا رہے ہیں ساز کے

ناطق گلاوٹھی

---

---

ہو گئی آوارہ گردی بے گھری کی پردہ دار
کام جتنا ہم کو آتا تھا وہ کام آ ہی گیا

ناطق گلاوٹھی

---

---

اک حرف شکایت پر کیوں روٹھ کے جاتے ہو
جانے دو گئے شکوے آ جاؤ میں باز آیا

ناطق گلاوٹھی

---

---