انتظام روز عشرت اور کر اے نامراد
عید آتی ہی رہی ماہ صیام آ ہی گیا

ناطق گلاوٹھی

---

---

اس خاکدان دہر میں گھٹتا اگر ہے دم
مقدور ہو تو آگ لگا دے ہوا نہ مانگ

ناطق گلاوٹھی

---

---

جی چرانے کی نہیں شرط دل زار یہاں
رنج اٹھانے ہی کی ٹھہری ہے تو پھر دل سے اٹھا

ناطق گلاوٹھی

---

---

جو بلا آتی ہے آتی ہے بلا کی ناطقؔ
میری مشکل کا طریقہ نہیں آساں ہونا

ناطق گلاوٹھی

---

---

جرأت افزائے سوال اے زہے انداز جواب
آتی جاتی ہے اب اس بت کی نہیں ہاں کے قریب

ناطق گلاوٹھی

---

---

کہنے والے وہ سننے والا میں
ایک بھی آج دوسرا نہ ہوا

ناطق گلاوٹھی

---

---

کیفیت تضاد اگر ہو نہ بیان شعر میں
ناطقؔ اسی پہ روئے کیوں چنگ نواز گائے کیوں

ناطق گلاوٹھی

---

---