دوسرا ایسا کہاں اے دشت خلوت کا مقام
اپنی ویرانی کو لے کر میرے ویرانے میں آ

ناطق گلاوٹھی

---

---

دوسروں کو کیا کہئے دوسری ہے دنیا ہی
ایک ایک اپنے کو ہم نے دوسرا پایا

ناطق گلاوٹھی

---

---

غم و اندوہ کا لشکر بھی چلا آتا ہے
ایک گھوڑ دوڑ سی ہے عمر گریزاں کے قریب

ناطق گلاوٹھی

---

---

گھر بنانے کی بڑی فکر ہے دنیا میں ہمیں
صاحب خانہ بنے جاتے ہیں مہماں ہو کر

ناطق گلاوٹھی

---

---

گل شور کہاں کا ہے سن تو سہی او ظالم
کیا ہے ترے کوچہ میں کیسا ہے یہ واویلا

ناطق گلاوٹھی

---

---

گزرتی ہے مزے سے واعظوں کی زندگی اب تو
سہارا ہو گیا ہے دین دنیا دار لوگوں کا

ناطق گلاوٹھی

---

---

ہنگامۂ حیات سے لینا تو کچھ نہیں
ہاں دیکھتے چلو کہ تماشا ہے راہ کا

ناطق گلاوٹھی

---

---