اب کہیں کس سے کہ ان سے بات کرنا ہے گناہ
جب کلام آیا زباں پر لا کلام آ ہی گیا

ناطق گلاوٹھی

---

---

اہل جنوں پہ ظلم ہے پابندیٔ رسوم
جادہ ہمارے واسطے کانٹا ہے راہ کا

ناطق گلاوٹھی

---

---

اے بادہ کش گئی ہے مئے عیش کس کے ساتھ
ہر اک نے لے کے جام کو آگے بڑھا دیا

ناطق گلاوٹھی

---

---

اے دل شکوہ سنج کیا گزری
کس لئے ہونٹ رہ گئے سل کے

ناطق گلاوٹھی

---

---

اے جنوں باعث بد حالیٔ صحرا کیا ہے
یہ مرا گھر تو نہیں تھا کہ جو ویراں ہوتا

ناطق گلاوٹھی

---

---

اے نگاہ مست اس کا نام ہے کیف سرور
آج تو نے دیکھ کر میری طرف دیکھا مجھے

ناطق گلاوٹھی

---

---

اے شب ہجراں زیادہ پاؤں پھیلاتی ہے کیوں
بھر گیا جتنا ہماری عمر کا پیمانہ تھا

ناطق گلاوٹھی

---

---