اے زندگی جنوں نہ سہی بے خودی سہی
تو کچھ بھی اپنی عقل سے پاگل اٹھا تو لا

ناطق گلاوٹھی

---

---

ایسے بہتان لگائے کہ خدا یاد آیا
بت نے گھبرا کے کہا مجھ سے کہ قرآن اٹھا

ناطق گلاوٹھی

---

---

اول اول خوب دوڑی کشتیٔ اہل ہوس
آخر آخر ڈوب مرنے کا مقام آ ہی گیا

ناطق گلاوٹھی

---

---

بندگی کیجیے مگر کس کی
ہے بھی دنیا میں کوئی بندہ نواز

ناطق گلاوٹھی

---

---

بے خود شوق ہوں آتا ہے خدا یاد مجھے
راستہ بھول کے بیٹھا ہوں صنم خانے کا

ناطق گلاوٹھی

---

---

بتوں کے ساتھ لی دی سی جو یاد اللہ باقی ہے
تو کیا شیخ حرم تیرے لئے میں چھوڑ دوں وہ بھی

ناطق گلاوٹھی

---

---

چال اور ہے دنیا کی ہمارا ہے چلن اور
وہ ساخت ہے کچھ اور یہ بے ساختہ پن اور

ناطق گلاوٹھی

---

---