ہاں یہ خطا ہوئی تھی کہ ہم اٹھ کے چل دیے
تم نے بھی تو پلٹ کے پکارا نہیں ہمیں

ناصر زیدی

---

---

کوئی سناٹا سا سناٹا ہے
کاش طوفان اٹھا دے کوئی

ناصر زیدی

---

---

میں بے ہنر تھا مگر صحبت ہنر میں رہا
شعور بخشا ہمہ رنگ محفلوں نے مجھے

ناصر زیدی

---

---

وہ بھی کیا دن تھے کہ جب عشق کیا کرتے تھے
ہم جسے چاہتے تھے چوم لیا کرتے تھے

ناصر زیدی

---

---

وہ یوں ملا ہے کہ جیسے کبھی ملا ہی نہ تھا
ہماری ذات پہ جس کی عنایتیں تھیں بہت

ناصر زیدی

---

---

آ کے بزم ہستی میں کیا بتائیں کیا پایا
ہم کو تھا ہی کیا لینا بت ملے خدا پایا

ناطق گلاوٹھی

---

---

آ عمر رفتہ حشر کے دم خم بھی دیکھ لیں
طوفان زندگی کی وہ ہلچل اٹھا تو لا

ناطق گلاوٹھی

---

---