جو پوچھا دل ہمارا کیوں لیا تو ناز سے بولے
کہ تھوڑی بے قراری اس دل مضطرؔ سے لینا ہے

مضطر خیرآبادی

---

---

جو پوچھا منہ دکھانے آپ کب چلمن سے نکلیں گے
تو بولے آپ جس دن حشر میں مدفن سے نکلیں گے

مضطر خیرآبادی

---

---

کعبے میں ہم نے جا کے کچھ اور حال دیکھا
جب بت کدہ میں پہنچے صورت ہی دوسری تھی

مضطر خیرآبادی

---

---

کہہ دو ساقی سے کہ پیاسا نہ نکالے مجھ کو
عمر بھر روئیں گے مٹی کے پیالے مجھ کو

مضطر خیرآبادی

---

---

کہیں جو بلبل نے دیکھ پایا تو میری اس کی نہیں بنے گی
چمن میں جانے کو روز جاؤ مگر گلوں سے ہنسی نہ کرنا

مضطر خیرآبادی

---

---

کیسے دل لگتا حرم میں دور پیمانہ نہ تھا
اس لیے پھر آئے کعبے سے کہ مے خانہ نہ تھا

مضطر خیرآبادی

---

---

خال و عارض کا تصور ہے ہمارے دل میں
ایک ہندو بھی ہے کعبے میں مسلمان کے ساتھ

مضطر خیرآبادی

---

---