پہلے رگ رگ سے مری خون نچوڑا اس نے
اب یہ کہتا ہے کہ رنگت ہی مری پیلی ہے

مظفر وارثی

---

---

سانس لیتا ہوں کہ پت جھڑ سی لگی ہے مجھ میں
وقت سے ٹوٹ رہے ہیں مرے بندھن جیسے

مظفر وارثی

---

---

وعدہ معاوضے کا نہ کرتا اگر خدا
خیرات بھی سخی سے نہ ملتی فقیر کو

مظفر وارثی

---

---

زخم تنہائی میں خوشبوئے حنا کس کی تھی
سایہ دیوار پہ میرا تھا صدا کس کی تھی

مظفر وارثی

---

---

زندگی تجھ سے ہر اک سانس پہ سمجھوتا کروں
شوق جینے کا ہے مجھ کو مگر اتنا بھی نہیں

مظفر وارثی

---

---

بہت قریب ہے مضطرؔ وہ زندگی کا نظام
نظر نہ آئے گا جب کوئی بسمل و قاتل

مضطر حیدری

---

---

ہائے بے چہرگی یہ انساں کی
ہائے یہ آدمی نما کیا ہے

مضطر حیدری

---

---