چہرے کی چاندنی پہ نہ اتنا بھی مان کر
وقت سحر تو رنگ کبھی چاند کا بھی دیکھ

مرتضیٰ برلاس

---

---

دشمن جاں ہی سہی دوست سمجھتا ہوں اسے
بد دعا جس کی مجھے بن کے دعا لگتی ہے

مرتضیٰ برلاس

---

---

مانا کہ تیرا مجھ سے کوئی واسطہ نہیں
ملنے کے بعد مجھ سے ذرا آئنہ بھی دیکھ

مرتضیٰ برلاس

---

---

مجھے کی گئی ہے یہ پیشکش کہ سزا میں ہوں گی رعایتیں
جو قصور میں نے کیا نہیں وہ قبول کر لوں دباؤ میں

مرتضیٰ برلاس

---

---

آنکھیں یوں برسیں پیراہن بھیگ گیا
تیرے دھیان میں سارا ساون بھیگ گیا

مصور سبزواری

---

---

اپنے ہونے کا کچھ احساس نہ ہونے سے ہوا
خود سے ملنا مرا اک شخص کے کھونے سے ہوا

مصور سبزواری

---

---

عذابوں سے ٹپکتی یہ چھتیں برسوں چلیں گی
ابھی سے کیوں مکیں مصروف ماتم ہو گئے ہیں

مصور سبزواری

---

---