صدائے وقت کی گر باز گشت سن پاؤ
مرے خیال کو تم شاعرانہ کہہ دینا

محسنؔ بھوپالی

---

---

سورج چڑھا تو پھر بھی وہی لوگ زد میں تھے
شب بھر جو انتظار سحر دیکھتے رہے

محسنؔ بھوپالی

---

---

اس کو چاہا تھا کبھی خود کی طرح
آج خود اپنے طلب گار ہیں ہم

محسنؔ بھوپالی

---

---

اس سے مل کر اسی کو پوچھتے ہیں
بے خیالی سی بے خیالی ہے

محسنؔ بھوپالی

---

---

زندگی گل ہے نغمہ ہے مہتاب ہے
زندگی کو فقط امتحاں مت سمجھ

محسنؔ بھوپالی

---

---

اب دعاؤں کے لیے اٹھتے نہیں ہیں ہاتھ بھی
بے یقینی کا تو عالم تھا مگر ایسا نہ تھا

محسن احسان

---

---

میں خرچ کار زمانہ میں ہو چکا اتنا
کہ آخرت کے لیے پاس کچھ بچا ہی نہیں

محسن احسان

---

---