لفظوں کے احتیاط نے معنی بدل دیئے
اس اہتمام شوق میں حسن اثر گیا

محسنؔ بھوپالی

---

---

لفظوں کو اعتماد کا لہجہ بھی چاہئے
ذکر سحر بجا ہے یقین سحر بھی ہے

محسنؔ بھوپالی

---

---

محسنؔ اپنائیت کی فضا بھی تو ہو
صرف دیوار و در کو مکاں مت سمجھ

محسنؔ بھوپالی

---

---

محسنؔ اور بھی نکھرے گا ان شعروں کا مفہوم
اپنے آپ کو پہچانیں گے جیسے جیسے لوگ

محسنؔ بھوپالی

---

---

نیرنگیٔ سیاست دوراں تو دیکھیے
منزل انہیں ملی جو شریک سفر نہ تھے

محسنؔ بھوپالی

---

---

پہلے جو کہا اب بھی وہی کہتے ہیں محسنؔ
اتنا ہے بہ انداز دگر کہنے لگے ہیں

محسنؔ بھوپالی

---

---

روشنی ہیں سفر میں رہتے ہیں
وقت کی رہ گزر میں رہتے ہیں

محسنؔ بھوپالی

---

---