تیرے ہوتے ہوئے محفل میں جلاتے ہیں چراغ
لوگ کیا سادہ ہیں سورج کو دکھاتے ہیں چراغ

احمد فراز

---

---

تیرے قامت سے بھی لپٹی ہے امر بیل کوئی
میری چاہت کو بھی دنیا کی نظر کھا گئی دوست

احمد فراز

---

---

تیری باتیں ہی سنانے آئے
دوست بھی دل ہی دکھانے آئے

احمد فراز

---

---

تجھ سے مل کر تو یہ لگتا ہے کہ اے اجنبی دوست
تو مری پہلی محبت تھی مری آخری دوست

احمد فراز

---

---

تم تکلف کو بھی اخلاص سمجھتے ہو فرازؔ
دوست ہوتا نہیں ہر ہاتھ ملانے والا

احمد فراز

---

---

تو اتنی دل زدہ تو نہ تھی اے شب فراق
آ تیرے راستے میں ستارے لٹائیں ہم

احمد فراز

---

---

تو محبت سے کوئی چال تو چل
ہار جانے کا حوصلہ ہے مجھے

احمد فراز

---

---