ہیں سو طریقے اور بھی اے بے قرار دل
اظہار شکوہ شکوے کے انداز میں نہ ہو

منظر لکھنوی

---

---

ہوئی دیوانگی اس درجہ مشہور جہاں میری
جہاں دو آدمی بھی ہیں چھڑی ہے داستاں میری

منظر لکھنوی

---

---

اک زمانہ ہو رہا ہے عشق میں ہم سے خلاف
کس کے کس کے دل میں دل ڈالیں الٰہی کیا کریں

منظر لکھنوی

---

---

ان سے جب پوچھا گیا بسمل تمہارے کیا کریں
ہنس کے بولے زخم دل دیکھا کریں رویا کریں

منظر لکھنوی

---

---

جانے والے جا خدا حافظ مگر یہ سوچ لے
کچھ سے کچھ ہو جائے گی دیوانگی تیرے بغیر

منظر لکھنوی

---

---

جگمگاتی تری آنکھوں کی قسم فرقت میں
بڑے دکھ دیتی ہے یہ تاروں بھری رات مجھے

منظر لکھنوی

---

---

جمع ہم کرتے گئے چن چن کے تنکے باغ میں
اور نہ جانے کس کا کس کا آشیاں بنتا گیا

منظر لکھنوی

---

---