ذرہ سمجھ کے یوں نہ ملا مجھ کو خاک میں
اے آسمان میں بھی کبھی آفتاب تھا

لالہ مادھو رام جوہر

---

---

زلفیں منہ پر ہیں منہ ہے زلفوں میں
رات بھر صبح شام دن بھر ہے

لالہ مادھو رام جوہر

---

---

آنکھیں سحر تلک مری در سے لگی رہیں
کیا پوچھتے ہو حال شب انتظار کا

لالہ ٹیکا رام

---

---

گو دل میں خفا ہے تو پر اس بات کو ناداں
کہہ بیٹھیو مت عاشق دلگیر کے منہ پر

لالہ ٹیکا رام

---

---

جسے پڑھا نہیں تم نے کبھی محبت سے
کتاب زیست کا وہ باب ہیں مرے آنسو

لتا حیا

---

---

لوگ نفرت کی فضاؤں میں بھی جی لیتے ہیں
ہم محبت کی ہوا سے بھی ڈرا کرتے ہیں

لتا حیا

---

---

میں تو مشتاق ہوں آندھی میں بھی اڑنے کے لئے
میں نے یہ شوق عجب دل کو لگا رکھا ہے

لتا حیا

---

---