قہر تھیں در پردہ شب مجلس میں اس کی شوخیاں
لے گیا دل سب کے وہ اور سب سے شرماتا رہا

جرأت قلندر بخش

---

---

رہے قفس ہی میں ہم اور چمن میں پھر پھر کر
ہزار مرتبہ موسم بہار کا پہنچا

جرأت قلندر بخش

---

---

رکھے ہے لذت بوسہ سے مجھ کو گر محروم
تو اپنے تو بھی نہ ہونٹوں تلک زباں پہنچا

جرأت قلندر بخش

---

---

روؤں تو خوش ہو کے پیے ہے وہ مے
سمجھے ہے موسم اسے برسات کا

جرأت قلندر بخش

---

---

روز و شب کوئی تمہارے دھیان میں مصروف ہے
کچھ تمہیں بھی دھیان ہے پیارے کسی کے دھیان کا

جرأت قلندر بخش

---

---

سبھی انعام نت پاتے ہیں اے شیریں دہن تجھ سے
کبھو تو ایک بوسے سے ہمارا منہ بھی میٹھا کر

جرأت قلندر بخش

---

---

سر دیجے راہ عشق میں پر منہ نہ موڑیے
پتھر کی سی لکیر ہے یہ کوہکن کی بات

جرأت قلندر بخش

---

---