شاگرد رشید آپ سا ہوں شیخ جی صاحب
کچھ علم و عمل تم نے نہ شیطان میں چھوڑا

جرأت قلندر بخش

---

---

شاید اسی کا ذکر ہو یارو میں اس لیے
سنتا ہوں گوش دل سے ہر اک مرد و زن کی بات

جرأت قلندر بخش

---

---

شب خواب میں جو اس کے دہن سے دہن لگا
کھلتے ہی آنکھ کانپنے سارا بدن لگا

جرأت قلندر بخش

---

---

شیخ جی ہم تو ہیں ناداں پر اسے آنے دو
ہم بھی پوچھیں گے ہوئی آپ کی دانائی کیا

جرأت قلندر بخش

---

---

سیکھئے جرأتؔ کسی سے کوئی بازی کوئی کھیل
اس بہانے سے کوئی واں ہم کو لے تو جائے گا

جرأت قلندر بخش

---

---

سن وصف دہن دیجئے کچھ منہ سے پیارے
مجھ شاعر مفلس کی ہے گزران صلے پر

جرأت قلندر بخش

---

---

تا فلک لے گئی بیتابیٔ دل تب بولے
حضرت عشق کہ پہلا ہے یہ زینا اپنا

جرأت قلندر بخش

---

---