ہم گئے تھے اس سے کرنے شکوۂ درد فراق
مسکرا کر اس نے دیکھا سب گلا جاتا رہا

جوشؔ ملیح آبادی

---

---

ہر ایک کانٹے پہ سرخ کرنیں ہر اک کلی میں چراغ روشن
خیال میں مسکرانے والے ترا تبسم کہاں نہیں ہے

جوشؔ ملیح آبادی

---

---

ادھر تیری مشیت ہے ادھر حکمت رسولوں کی
الٰہی آدمی کے باب میں کیا حکم ہوتا ہے

جوشؔ ملیح آبادی

---

---

اک نہ اک ظلمت سے جب وابستہ رہنا ہے تو جوشؔ
زندگی پر سایۂ زلف پریشاں کیوں نہ ہو

جوشؔ ملیح آبادی

---

---

انسان کے لہو کو پیو اذن عام ہے
انگور کی شراب کا پینا حرام ہے

جوشؔ ملیح آبادی

---

---

اس دل میں ترے حسن کی وہ جلوہ گری ہے
جو دیکھے ہے کہتا ہے کہ شیشے میں پری ہے

جوشؔ ملیح آبادی

---

---

اس کا رونا نہیں کیوں تم نے کیا دل برباد
اس کا غم ہے کہ بہت دیر میں برباد کیا

جوشؔ ملیح آبادی

---

---