کیا اب بھی مجھ پہ فرض نہیں دوستیٔ کفر
وہ ضد سے میری دشمن اسلام ہو گیا

اسماعیلؔ میرٹھی

---

---

کیا فکر آب و نان کہ غم کہہ رہا ہے اب
موجود ہوں ضیافت دل اور جگر کو میں

اسماعیلؔ میرٹھی

---

---

کیا ہے وہ جان مجسم جس کے شوق دید میں
جامۂ تن پھینک کر روحیں بھی عریاں ہو گئیں

اسماعیلؔ میرٹھی

---

---

کیا ہو گیا اسے کہ تجھے دیکھتی نہیں
جی چاہتا ہے آگ لگا دوں نظر کو میں

اسماعیلؔ میرٹھی

---

---

کیا کوہ کن کی کوہ کنی کیا جنون قیس
وادیٔ عشق میں یہ مقام ابتدا کے ہیں

اسماعیلؔ میرٹھی

---

---

مانا بری خبر ہے پہ تیری خبر تو ہے
صبر و قرار نذر کروں نامہ بر کو میں

اسماعیلؔ میرٹھی

---

---

مر چکے جیتے جی خوشا قسمت
اس سے اچھی تو زندگی ہی نہیں

اسماعیلؔ میرٹھی

---

---