کمر باندھے ہوئے چلنے کو یاں سب یار بیٹھے ہیں
بہت آگے گئے باقی جو ہیں تیار بیٹھے ہیں

انشاءؔ اللہ خاں

---

---

خوباں روزگار مقلد تیری ہیں سب
جو چیز تو کرے سو وہ پاوے رواج آج

انشاءؔ اللہ خاں

---

---

کچھ اشارہ جو کیا ہم نے ملاقات کے وقت
ٹال کر کہنے لگے دن ہے ابھی رات کے وقت

انشاءؔ اللہ خاں

---

---

کیا ہنسی آتی ہے مجھ کو حضرت انسان پر
فعل بد خود ہی کریں لعنت کریں شیطان پر

انشاءؔ اللہ خاں

---

---

لیلیٰ و مجنوں کی لاکھوں گرچہ تصویریں کھنچیں
مل گئی سب خاک میں جس وقت زنجیریں کھنچیں

انشاءؔ اللہ خاں

---

---

میں نے جو کچکچا کر کل ان کی ران کاٹی
تو ان نے کس مزے سے میری زبان کاٹی

انشاءؔ اللہ خاں

---

---

نہ چھیڑ اے نکہت باد بہاری راہ لگ اپنی
تجھے اٹکھیلیاں سوجھی ہیں ہم بے زار بیٹھے ہیں

انشاءؔ اللہ خاں

---

---