کشتۂ ضبط فغاں نغمۂ بے ساز و صدا
اف وہ آنسو جو لہو بن کے ٹپکتا ہوگا

حنیف اخگر

---

---

لوگ ملنے کو چلے آتے ہیں دیوانے سے
شہر کا ایک تعلق تو ہے ویرانے سے

حنیف اخگر

---

---

نگاہیں پھیرنے والے یہ نظریں اٹھ ہی جاتی ہیں
کبھی بیگانگی وجہ شناسائی بھی ہوتی ہے

حنیف اخگر

---

---

پل بھر نہ بجلیوں کے مقابل ٹھہر سکے
اتنا بھی کم سواد مرا آشیاں کہاں

حنیف اخگر

---

---

پوچھتی رہتی ہے جو قیصر و کسریٰ کا مزاج
شان یہ خاک نشینوں میں کہاں سے آئی

حنیف اخگر

---

---

شامل ہوئے ہیں بزم میں مثل چراغ ہم
اب صبح تک جلیں گے لگاتار دیکھنا

حنیف اخگر

---

---

شدید تند ہوائیں ہیں کیا کیا جائے
سکوت غم کی صدائیں ہیں کیا کیا جائے

حنیف اخگر

---

---