بے نوا ہیں کہ تجھے صوت و نوا بھی دی ہے
جس نے دل توڑ دیئے اس کی دعا بھی دی ہے

ادا جعفری

---

---

بولتے ہیں دلوں کے سناٹے
شور سا یہ جو چار سو ہے ابھی

ادا جعفری

---

---

بجھی ہوئی ہیں نگاہیں غبار ہے کہ دھواں
وہ راستہ ہے کہ اپنا بھی نقش پا نہ ملے

ادا جعفری

---

---

دل کے ویرانے میں گھومے تو بھٹک جاؤ گے
رونق کوچہ و بازار سے آگے نہ بڑھو

ادا جعفری

---

---

ایک آئینہ رو بہ رو ہے ابھی
اس کی خوشبو سے گفتگو ہے ابھی

ادا جعفری

---

---

گل پر کیا کچھ بیت گئی ہے
البیلا جھونکا کیا جانے

ادا جعفری

---

---

ہاتھ کانٹوں سے کر لیے زخمی
پھول بالوں میں اک سجانے کو

ادا جعفری

---

---