ہم کبیرؔ اس کال کے کھڑے ہیں خالی ہاتھ
سنگ کسی کے ہم نہیں اور ہم سب کے ساتھ

شین کاف نظام

---

---

گلی کے موڑ سے گھر تک اندھیرا کیوں ہے نظامؔ
چراغ یاد کا اس نے بجھا دیا ہوگا

شین کاف نظام

---

---

ایک آسیب ہے ہر اک گھر میں
ایک ہی چہرہ در بدر چمکے

شین کاف نظام

---

---

دوستی عشق اور وفاداری
سخت جاں میں بھی نرم گوشے ہیں

شین کاف نظام

---

---

دھول اڑتی ہے دھوپ بیٹھی ہے
اوس نے آنسوؤں کا گھر چھوڑا

شین کاف نظام

---

---

دروازہ کوئی گھر سے نکلنے کے لئے دے
بے خوف کوئی راستہ چلنے کے لیے دے

شین کاف نظام

---

---

چبھن یہ پیٹھ میں کیسی ہے مڑ کے دیکھ تو لے
کہیں کوئی تجھے پیچھے سے دیکھتا ہوگا

شین کاف نظام

---

---

بیچ کا بڑھتا ہوا ہر فاصلہ لے جائے گا
ایک طوفاں آئے گا سب کچھ بہا لے جائے گا

شین کاف نظام

---

---

برسوں سے گھومتا ہے اسی طرح رات دن
لیکن زمین ملتی نہیں آسمان کو

شین کاف نظام

---

---