mazra-e-duniya mein dana hai to Dar kar hath Dal
ek din dena hai tujh ko dane dane ka hisa

Shaikh Zahuruddin Hatim

---

---

mazhar-e-haq kab nazar aata hai in shaiKHon ke tain
bas-ki aaine par in aahan-dilon ke zang hai

Shaikh Zahuruddin Hatim

---

---

mausam-e-gul ka magar qafila jata hai ki aaj
sare ghunchon se jo aawaz-e-jaras aati hai

Shaikh Zahuruddin Hatim

---

---

kisu mashrab mein aur mazhab mein
zulm ai mehrban nahin hai durust

Shaikh Zahuruddin Hatim

---

---

kis se kahun main haal-e-dil apna ki ta sune
is shahr mein raha bhi koi dard-mand hai

Shaikh Zahuruddin Hatim

---

---

kis tarah pahunchun main apne yar kin punjab mein
ho gaya rahon mein chashmon se do-aba be-tarah

Shaikh Zahuruddin Hatim

---

---

kis tarah se guzar karun rah-e-ishq mein
kaTe hai ab har ek qadam par zamin mujhe

Shaikh Zahuruddin Hatim

---

---

koi batlata nahin aalam mein us ke ghar ki rah
marta phirta hun apne sar ko diwaron se aaj

Shaikh Zahuruddin Hatim

---

---

koi hai surKH-posh koi zard-posh hai
aa dekh bazm mein ki hui hai bahaar-e-jam

Shaikh Zahuruddin Hatim

---

---