tum to baiThe hue pe aafat ho
uTh khaDe ho to kya qayamat ho

Shaikh Zahuruddin Hatim

---

---

teri nigah se gae khul kiwaD chhati ke
hisar-e-qalb ki goya thi fath tere nam

Shaikh Zahuruddin Hatim

---

---

teri mehrab mein abru ki ye KHal
kidhar se aa gaya masjid mein hindu

Shaikh Zahuruddin Hatim

---

---

teri jo zulf ka aaya KHayal aankhon mein
wahin khaTakne laga baal baal aankhon mein

Shaikh Zahuruddin Hatim

---

---

tere aage le chuka KHusraw lab-e-shirin se kaam
tu abas sar phoDta hai kohkan patthar se aaj

Shaikh Zahuruddin Hatim

---

---

taba teri ajab tamasha hai
gah tola hai gah masha hai

Shaikh Zahuruddin Hatim

---

---

tabibon ki tawajjoh se maraz hone laga duna
dawa is dard ki batla dil-e-agah kya kije

Shaikh Zahuruddin Hatim

---

---

tanhai se aati nahin din raat mujhe nind
ya-rab mera ham-KHwab o ham-aghosh kahan hai

Shaikh Zahuruddin Hatim

---

---

tu apne man ka manka pher zahid warna kya hasil
tujhe is makr ki tasbih se zunnar behtar tha

Shaikh Zahuruddin Hatim

---

---