mujhe kya dekh kar tu tak raha hai
tere hathon kaleja pak raha hai

Shaikh Zahuruddin Hatim

---

---

mausam-e-gul ka magar qafila jata hai ki aaj
sare ghunchon se jo aawaz-e-jaras aati hai

Shaikh Zahuruddin Hatim

---

---

maston ka dil hai shisha aur sang-dil hai saqi
achraj hai jo na TuTe patthar se aabgina

Shaikh Zahuruddin Hatim

---

---

masjid mein sar paTakta hai to jis ke waste
so to yahan hai dekh idhar aa KHuda-shanas

Shaikh Zahuruddin Hatim

---

---

mashrab mein to durust KHarabaatiyon ke hai
mazhab mein zahidon ke nahin gar rawa shara

Shaikh Zahuruddin Hatim

---

---

majlis mein raat girya-e-mastan tha tujh baghair
saghar bhara sharab ka chashm-e-pur-ab tha

Shaikh Zahuruddin Hatim

---

---

main us ki chashm se aisa gira hun
mere rone pe hansta hai mera dil

Shaikh Zahuruddin Hatim

---

---

main pir ho gaya hun aur ab tak jawan hai dard
mere murid ho jo tumhein dostan hai dard

Shaikh Zahuruddin Hatim

---

---

main kufr o din se guzar kar hua hun la-mazhab
KHuda-parast se matlab na but-parast se kaam

Shaikh Zahuruddin Hatim

---

---