main jitna DhunDhta hun us ko utna hi nahin pata
kidhar hai kis taraf hai aur kahan hai dil KHuda jaane

Shaikh Zahuruddin Hatim

---

---

masjid mein sar paTakta hai to jis ke waste
so to yahan hai dekh idhar aa KHuda-shanas

Shaikh Zahuruddin Hatim

---

---

mashrab mein to durust KHarabaatiyon ke hai
mazhab mein zahidon ke nahin gar rawa shara

Shaikh Zahuruddin Hatim

---

---

majlis mein raat girya-e-mastan tha tujh baghair
saghar bhara sharab ka chashm-e-pur-ab tha

Shaikh Zahuruddin Hatim

---

---

main us ki chashm se aisa gira hun
mere rone pe hansta hai mera dil

Shaikh Zahuruddin Hatim

---

---

main pir ho gaya hun aur ab tak jawan hai dard
mere murid ho jo tumhein dostan hai dard

Shaikh Zahuruddin Hatim

---

---

main kufr o din se guzar kar hua hun la-mazhab
KHuda-parast se matlab na but-parast se kaam

Shaikh Zahuruddin Hatim

---

---

kya madrase mein dahr ke ulTi hawa bahi
waiz nahi ko amr kahe amr ko nahi

Shaikh Zahuruddin Hatim

---

---

kyun mozahim hai mere aane se
kui tera ghar nahin ye rasta hai

Shaikh Zahuruddin Hatim

---

---