aa kar teri gali mein qadam-bosi ke liye
phir aasman ki bhul gaya rah aafta

Shaikh Zahuruddin Hatim

---

---

aai id wa dil mein nahin kuchh hawa-e-id
ai kash mere pas tu aata bajae id

Shaikh Zahuruddin Hatim

---

---

aab-e-hayat ja ke kisu ne piya to kya
manind-e-KHizr jag mein akela jiya to kya

Shaikh Zahuruddin Hatim

---

---

aage kya tum sa jahan mein koi mahbub na tha
kya tumhin KHub bane aur koi KHub na tha

Shaikh Zahuruddin Hatim

---

---

aaj hamein aur hi nazar aata hai kuchh sohbat ka rang
bazm hai maKHmur aur saqi nashe mein chur hai

Shaikh Zahuruddin Hatim

---

---

aariz se us ke zulf mein kyun-kar hai raushni
zulmat mein to nam nahin aaftab ka

Shaikh Zahuruddin Hatim

---

---

abhi masjid-nashin-e-tarum-e-aflak ho jawe
jo sab kuchh chhoD dil tere qadam ki KHak ho jawe

Shaikh Zahuruddin Hatim

---

---

ada-o-naz o karishma jafa-o-jaur-o-sitam
udhar ye sab hain idhar ek meri jaan tanha

Shaikh Zahuruddin Hatim

---

---

adl se kar saltanat ai dil tu tan ke mulk mein
waqt-e-fursat bujh le ye hukmarani phir kahan

Shaikh Zahuruddin Hatim

---

---