tum to baiThe hue pe aafat ho
uTh khaDe ho to kya qayamat ho

Shaikh Zahuruddin Hatim

---

---

tum to baiThe hue pur-afat ho
uTh khaDe ho to kya qayamat ho

Shaikh Zahuruddin Hatim

---

---

tumhaare ishq mein hum nang-o-nam bhul gae
jahan mein kaam the jitne tamam bhul gae

Shaikh Zahuruddin Hatim

---

---

tumhaari dekh saj ai tang-posho
hue Dhile mere kapDe badan ke

Shaikh Zahuruddin Hatim

---

---

tu apne man ka manka pher zahid warna kya hasil
tujhe is makr ki tasbih se zunnar behtar tha

Shaikh Zahuruddin Hatim

---

---

tu jo musa ho to us ka har taraf didar hai
sab ayan hai kya tajalli ko yahan takrar hai

Shaikh Zahuruddin Hatim

---

---

tu ne ghaarat kiya ghar baiThe ghar ek aalam ka
KHana aabaad ho tera ai mere KHana-KHara

Shaikh Zahuruddin Hatim

---

---

TuTe dil ko bana dikhawe
aisa koi kari-gar na dekha

Shaikh Zahuruddin Hatim

---

---

us waqt dil mera tere panje ke bich tha
jis waqt tu ne hat lagaya tha hat ko

Shaikh Zahuruddin Hatim

---

---