fikr mein muft umr khona hai
ho chuka hai jo kuchh ki hona hai
khel sab chhoD khel apna khel
aap qudrat ka tu khilauna hai
aankh Tuk khol did-e-qudarat kar
phir to panw pasar sona hai
chup raha kar baDon ki majlis mein
ye bhi ek aafiyat ka kona hai
mera mashuq hai mazon mein bhara
kabhu miTha kabhu salona hai
chhal-bal us ki nigah ka mat puchh
sehr hai ToTka hai Tona hai
ro tu 'hatim' 'husain' ke gham mein
aur rona to ranD rona hai
Ghazal
Fikr mein muft umr khona hai
Shaikh Zahuruddin Hatim