haq se milna gerwe kapDon upar mauquf nain
dil ke tain rango faqiri ye hai aur sab hai libas
Shaikh Zahuruddin Hatim
hasti se ta-adam hai safar do qadam ki rah
kya chahiye hai hum ko sar anjam ke liye
Shaikh Zahuruddin Hatim
holi ke ab bahane chhiDka hai rang kis ne
nam-e-KHuda tujh upar is aan ajab saman hai
Shaikh Zahuruddin Hatim
husn aaina fash karta hai
aise dushman ko sangsar karo
Shaikh Zahuruddin Hatim
ilahi tujh se ab kahta hai 'hatim' is zamane mein
sharam rakhna bharam rakhna dharam rakhna karam rakhna
Shaikh Zahuruddin Hatim
in dinon hum se jo wahshi ki tarah bhaDko ho
ye to milne ka tumhaare kabhu uslub na tha
Shaikh Zahuruddin Hatim
in dinon sab ko hua hai saf-goi ka talash
nam ko charcha nahin 'hatim' kahin iham ka
Shaikh Zahuruddin Hatim
is dukh mein hae yar yagane kidhar gae
sab chhoD hum ko gham mein na jaane kidhar gae
Shaikh Zahuruddin Hatim
is qadar bas-ki roz milne se
KHatiron mein ghubar aawe hai
Shaikh Zahuruddin Hatim