tabibon ki tawajjoh se maraz hone laga duna
dawa is dard ki batla dil-e-agah kya kije

Shaikh Zahuruddin Hatim

---

---

tanhai se aati nahin din raat mujhe nind
ya-rab mera ham-KHwab o ham-aghosh kahan hai

Shaikh Zahuruddin Hatim

---

---

tere aage le chuka KHusraw lab-e-shirin se kaam
tu abas sar phoDta hai kohkan patthar se aaj

Shaikh Zahuruddin Hatim

---

---

tere aane se yu KHushi hai dil
jun ki bulbul bahaar ki KHati

Shaikh Zahuruddin Hatim

---

---

tir-e-nigah laga ke tum kahte ho phir laga na KHub
mera to kaam ho gaya sine ke par ho na ho

Shaikh Zahuruddin Hatim

---

---

tere ruKHsar se be-tarah lipTi jae hai zalim
jo kuchh kahiye to bal kha uljhati hai zulf be-Dhangi

Shaikh Zahuruddin Hatim

---

---

teri jo zulf ka aaya KHayal aankhon mein
wahin khaTakne laga baal baal aankhon mein

Shaikh Zahuruddin Hatim

---

---

teri mehrab mein abru ki ye KHal
kidhar se aa gaya masjid mein hindu

Shaikh Zahuruddin Hatim

---

---

teri nigah se gae khul kiwaD chhati ke
hisar-e-qalb ki goya thi fath tere nam

Shaikh Zahuruddin Hatim

---

---