jama uryani ka qamat par meri aaya hai rast
ab mujhe nam-e-libas-e-ariyat se nang hai
Shaikh Zahuruddin Hatim
jaane na pae us ko jahan ho tahan se lao
ghar mein na ho to kucha o bazar dekhna
Shaikh Zahuruddin Hatim
jab hue 'hatim' hum us se aashna
dost bhi dushman hamare ho gae
Shaikh Zahuruddin Hatim
jab pukare hai wo abe o hot
aashiq apna KHitab jaane hai
Shaikh Zahuruddin Hatim
jab se teri nazar paDi hai jhalak
tab se lagti nahin palak se palak
Shaikh Zahuruddin Hatim
jab tak ki gareban mein yak tar rahega
tab tak meri gardan ke upar bar rahega
Shaikh Zahuruddin Hatim
jawab-e-nama ya deta nahin ya qaid karta hai
jo bheja hum ne qasid phir na pai kuchh KHabar us ki
Shaikh Zahuruddin Hatim
ji uThun phir kar agar tu ek bosa de mujhe
chusna lab ka tere hai mujh ko jun aab-e-hayat
Shaikh Zahuruddin Hatim
jis ke munh ki utar gai loi
gham nahin us ko kuchh kaho koi
Shaikh Zahuruddin Hatim