waqt ko kyun bhala bura kahiye
tujh ko hona hi tha juda hum se

Shahryar

---

---

wo kaun tha wo kahan ka tha kya hua tha use
suna hai aaj koi shaKHs mar gaya yaro

Shahryar

---

---

ya main sochun kuchh bhi na us ke bare mein
ya aisa ho duniya aur badal jae

Shahryar

---

---

ya tere alawa bhi kisi shai ki talab hai
ya apni mohabbat pe bharosa nahin hum ko

Shahryar

---

---

ye ek shajar ki jis pe na kanTa na phul hai
sae mein us ke baiTh ke rona fuzul hai

Shahryar

---

---

ye jab hai ki ek KHwab se rishta hai hamara
din Dhalte hi dil Dubne lagta hai hamara

Shahryar

---

---

zaban mili bhi to kis waqt be-zabanon ko
sunane ke liye jab koi dastan na rahi

Shahryar

---

---

zindagi jaisi tawaqqo thi nahin kuchh kam hai
har ghaDi hota hai ehsas kahin kuchh kam hai

Shahryar

---

---

zaKHmon ko rafu kar len dil shad karen phir se
KHwabon ki koi duniya aabaad karen phir se

Shahryar

---

---