tujh se mil kar bhi na tanhai miTegi meri
dil mein rah rah ke yahi baat khaTakti kyun hai

Shahryar

---

---

tujhe bhul gaya kabhi yaad nahin karta tujh ko
jo baat bahut pahle karni thi ab ki hai

Shahryar

---

---

tu kahan hai tujh se ek nisbat thi meri zat ko
kab se palkon par uThae phir raha hun raat ko

Shahryar

---

---

TuTi phuTi kashtiyan dariya mein girdab
mere marne ke liye ye lamhe naya

Shahryar

---

---

ummid se kam chashm-e-KHaridar mein aae
hum log zara der se bazar mein aae

Shahryar

---

---

umr ka baqi safar karna hai is shart ke sath
dhup dekhen to use sae se tabir karen

Shahryar

---

---

umr ka lamba hissa kar ke danai ke nam
hum bhi ab ye soch rahe hain pagal ho jaen

Shahryar

---

---

umr-safar jari hai bas ye khel dekhne ko
ruh badan ka bojh kahan tak kab tak Dhoti hai

Shahryar

---

---

us ko kisi ke waste be-tab dekhte
hum bhi kabhi ye manzar-e-nayab dekhte

Shahryar

---

---