shadid pyas thi phir bhi chhua na pani ko
main dekhta raha dariya teri rawani ko

Shahryar

---

---

shahr-e-ummid haqiqat mein nahin ban sakta
to chalo us ko tasawwur hi mein tamir karen

Shahryar

---

---

shikwa koi dariya ki rawani se nahin hai
rishta hi meri pyas ka pani se nahin hai

Shahryar

---

---

sine mein jalan aankhon mein tufan sa kyun hai
is shahr mein har shaKHs pareshan sa kyun hai

Shahryar

---

---

siyah raat nahin leti nam Dhalne ka
yahi to waqt hai suraj tere nikalne ka

Shahryar

---

---

tanhai ki ye kaun si manzil hai rafiqo
ta-hadd-e-nazar ek bayaban sa kyun hai

Shahryar

---

---

tere wade ko kabhi jhuT nahin samjhunga
aaj ki raat bhi darwaza khula rakkhunga

Shahryar

---

---

tera KHayal bhi teri tarah sitamgar hai
jahan pe chahiye aana wahin nahin aata

Shahryar

---

---

tujh se bichhDe hain to ab kis se milati hai hamein
zindagi dekhiye kya rang dikhati hai hamein

Shahryar

---

---