log sar phoD kar bhi dekh chuke
gham ki diwar TuTti hi nahin

Shahryar

---

---

main akela sahi magar kab tak
nangi parchhaiyon ke bich rahun

Shahryar

---

---

main apne jism ki sargoshiyon ko sunta hun
tere visal ki saat nikalti jati hai

Shahryar

---

---

main sochta hun magar yaad kuchh nahin aata
ki iKHtitam kahan KHwab ke safar ka hua

Shahryar

---

---

mere suraj aa! mere jism pe apna saya kar
baDi tez hawa hai sardi aaj ghazab ki hai

Shahryar

---

---

mujh ko le Duba tera shahr mein yakta hona
dil bahal jata agar koi bhi tujh sa hota

Shahryar

---

---

na KHush-guman ho is par tu ai dil-e-sada
sabhi ko dekh ke wo shaKHs muskuraata hai

Shahryar

---

---

nahin hai mujh se talluq koi to aisa kyun
ki tu ne muD ke faqat ek mujhi ko dekha kyun

Shahryar

---

---

nazar jo koi bhi tujh sa hasin nahin aata
kisi ko kya mujhe KHud bhi yaqin nahin aata

Shahryar

---

---