اتنی سیاہ رات میں اتنی سی روشنی
یہ چاند وہ نہیں مرا مہتاب اور ہے

سعود عثمانی

---

---

ہر شے سے پلٹ رہی ہیں نظریں
منظر کوئی جم نہیں رہا ہے

سعود عثمانی

---

---

ہر اک افق پہ مسلسل طلوع ہوتا ہوا
میں آفتاب کے مانند رہ گزار میں تھا

سعود عثمانی

---

---

حیرت سے تکتا ہے صحرا بارش کے نذرانے کو
کتنی دور سے آئی ہے یہ ریت سے ہاتھ ملانے کو

سعود عثمانی

---

---

برون خاک فقط چند ٹھیکرے ہیں مگر
یہاں سے شہر ملیں گے اگر کھدائی ہوئی

سعود عثمانی

---

---

بہت دنوں میں مرے گھر کی خاموشی ٹوٹی
خود اپنے آپ سے اک دن کلام میں نے کیا

سعود عثمانی

---

---

ایسا ہے کہ سکوں کی طرح ملک سخن میں
جاری کوئی اک یاد پرانی کریں ہم بھی

سعود عثمانی

---

---