موت کے درندے میں اک کشش تو ہے ثروتؔ
لوگ کچھ بھی کہتے ہوں خودکشی کے بارے میں

ثروت حسین

---

---

میں سو رہا تھا اور مری خواب گاہ میں
اک اژدہا چراغ کی لو کو نگل گیا

ثروت حسین

---

---

میں کتاب خاک کھولوں تو کھلے
کیا نہیں موجود کیا موجود ہے

ثروت حسین

---

---

میں آگ دیکھتا تھا آگ سے جدا کر کے
بلا کا رنگ تھا رنگینیٔ قبا سے ادھر

ثروت حسین

---

---

لے آئے گا اک روز گل و برگ بھی ثروتؔ
باراں کا مسلسل خس و خاشاک پہ ہونا

ثروت حسین

---

---

خوش لباسی ہے بڑی چیز مگر کیا کیجے
کام اس پل ہے ترے جسم کی عریانی سے

ثروت حسین

---

---

جسے انجام تم سمجھتی ہو
ابتدا ہے کسی کہانی کی

ثروت حسین

---

---

اک داستان اب بھی سناتے ہیں فرش و بام
وہ کون تھی جو رقص کے عالم میں مر گئی

ثروت حسین

---

---

حسن بہار مجھ کو مکمل نہیں لگا
میں نے تراش لی ہے خزاں اپنے ہاتھ سے

ثروت حسین

---

---