عجیب ہوتے ہیں آداب رخصت محفل
کہ وہ بھی اٹھ کے گیا جس کا گھر نہ تھا کوئی

سحر انصاری

---

---

دلوں کا حال تو یہ ہے کہ ربط ہے نہ گریز
محبتیں تو گئیں تھی عداوتیں بھی گئیں

سحر انصاری

---

---

ہم کو جنت کی فضا سے بھی زیادہ ہے عزیز
یہی بے رنگ سی دنیا یہی بے مہر سے لوگ

سحر انصاری

---

---

جانے کیوں رنگ بغاوت نہیں چھپنے پاتا
ہم تو خاموش بھی ہیں سر بھی جھکائے ہوئے ہیں

سحر انصاری

---

---

جسے گزار گئے ہم بڑے ہنر کے ساتھ
وہ زندگی تھی ہماری ہنر نہ تھا کوئی

سحر انصاری

---

---

کیسی کیسی محفلیں سونی ہوئیں
پھر بھی دنیا کس قدر آباد ہے

سحر انصاری

---

---

محفل آرائی ہماری نہیں افراط کا نام
کوئی ہو یا کہ نہ ہو آپ تو آئے ہوئے ہیں

سحر انصاری

---

---

موت کے بعد زیست کی بحث میں مبتلا تھے لوگ
ہم تو سحرؔ گزر گئے تہمت زندگی اٹھائے

سحر انصاری

---

---

مرے لہو کو مری خاک ناگزیر کو دیکھ
یونہی سلیقۂ عرض ہنر نہیں آیا

سحر انصاری

---

---