aaj kuchh mehrban hai sayyaad
kya nasheman bhi ho gaya barbaad

Asar Lakhnavi

---

---

kuchh is andaz se sayyaad ne aazad kiya
jo chale chhuT ke qafas se wo giraftar chale

Mubarak Azimabadi

---

---

sayyaad tera ghar mujhe jannat sahi magar
jannat se bhi siwa mujhe rahat chaman mein thi

Riyaz Khairabadi

---

---

na taDapne ki ijazat hai na fariyaad ki hai
ghuT ke mar jaun ye marzi mere sayyaad ki hai

Shad Lakhnavi

---

---