آج برسوں میں تو قسمت سے ملاقات ہوئی
آپ منہ پھیر کے بیٹھے ہیں یہ کیا بات ہوئی

قیصر الجعفری

---

---

بستی میں ہے وہ سناٹا جنگل مات لگے
شام ڈھلے بھی گھر پہنچوں تو آدھی رات لگے

قیصر الجعفری

---

---

دستک میں کوئی درد کی خوشبو ضرور تھی
دروازہ کھولنے کے لیے گھر کا گھر اٹھا

قیصر الجعفری

---

---

دیواروں سے مل کر رونا اچھا لگتا ہے
ہم بھی پاگل ہو جائیں گے ایسا لگتا ہے

قیصر الجعفری

---

---

فن وہ جگنو ہے جو اڑتا ہے ہوا میں قیصرؔ
بند کر لو گے جو مٹھی میں تو مر جائے گا

قیصر الجعفری

---

---

گھر لوٹ کے روئیں گے ماں باپ اکیلے میں
مٹی کے کھلونے بھی سستے نہ تھے میلے میں

قیصر الجعفری

---

---

ہر شخص ہے اشتہار اپنا
ہر چہرہ کتاب ہو گیا ہے

قیصر الجعفری

---

---

ہوا خفا تھی مگر اتنی سنگ دل بھی نہ تھی
ہمیں کو شمع جلانے کا حوصلہ نہ ہوا

قیصر الجعفری

---

---

جس دن سے بنے ہو تم مسیحا
حال اور خراب ہو گیا ہے

قیصر الجعفری

---

---