کیا کسی سے کسی کا حال کہیں
نام بھی تو لیا نہیں جاتا

نظام رامپوری

---

---

نہ بن آیا جب ان کو کوئی جواب
تو منہ پھیر کر مسکرانے لگے

نظام رامپوری

---

---

منتظر ہوں کسی کے آنے کا
کس کی آنکھوں میں آ کے خواب رہے

نظام رامپوری

---

---

میرے ملنے سے جو یوں ہاتھ اٹھا بیٹھا تو
نہیں معلوم کہ دل میں ترے کیا بیٹھ گیا

نظام رامپوری

---

---

مضمون سوجھتے ہیں ہزاروں نئے نئے
قاصد یہ خط نہیں مرے غم کی کتاب ہے

نظام رامپوری

---

---

منظور کیا ہے یہ بھی تو کھلتا نہیں سبب
ملتا تو ہے وہ ہم سے مگر کچھ رکا ہوا

نظام رامپوری

---

---

میں نہ کہتا تھا کہ بہکائیں گے تم کو دشمن
تم نے کس واسطے آنا مرے گھر چھوڑ دیا

نظام رامپوری

---

---

لپٹا کے شب وصل وہ اس شوخ کا کہنا
کچھ اور ہوس اس سے زیادہ تو نہیں ہے

نظام رامپوری

---

---

خوشبو وہ پسینے کی تری یاد نہ آ جائے
گل کیسا کبھی عطر بھی سونگھا نہ کریں گے

نظام رامپوری

---

---