تصور میں ترا در اپنے سر تک کھینچ لیتا ہوں
ستم گر میں نہیں چلتا تری دیوار چلتی ہے
مضطر خیرآبادی
ٹیگز:
| 2 لائنیں شیری |
تمہاری جلوہ گاہ ناز میں اندھیر ہی کب تھا
یہ موسیٰ دوڑ کر کس کو دکھانے شمع طور آئے
مضطر خیرآبادی
ٹیگز:
| 2 لائنیں شیری |
تم کیوں شب جدائی پردے میں چھپ گئے ہو
قسمت کے اور تارے سب آسمان پر ہیں
مضطر خیرآبادی
ٹیگز:
| 2 لائنیں شیری |
تم اگر چاہو تو مٹی سے ابھی پیدا ہوں پھول
میں اگر مانگوں تو دریا بھی نہ دے پانی مجھے
مضطر خیرآبادی
ٹیگز:
| 2 لائنیں شیری |
ٹھہرنا دل میں کچھ بہتر نہ جانا
بھرے گھر کو انہوں نے گھر نہ جانا
مضطر خیرآبادی
ٹیگز:
| 2 لائنیں شیری |
تیری الجھی ہوئی باتوں سے مرا دل الجھا
تیرے بکھرے ہوئے بالوں نے پریشان کیا
مضطر خیرآبادی
ٹیگز:
| 2 لائنیں شیری |
تیری رحمت کا نام سن سن کر
مبتلا ہو گیا گناہوں میں
مضطر خیرآبادی
ٹیگز:
| 2 لائنیں شیری |
تیرے موئے مژہ کھٹکتے ہیں
دل کے چھالوں میں نوک خار کہاں
مضطر خیرآبادی
ٹیگز:
| 2 لائنیں شیری |
تیرے گھر آئیں تو ایمان کو کس پر چھوڑیں
ہم تو کعبے ہی میں اے دشمن دیں اچھے ہیں
مضطر خیرآبادی
ٹیگز:
| 2 لائنیں شیری |