اجملؔ سفر میں ساتھ رہیں یوں صعوبتیں
جیسے کہ ہر سزا کا سزا وار میں ہی تھا

کبیر اجمل

---

---

کہتے ہیں کہ اٹھنے کو ہے اب رسم محبت
اور اس کے سوا کوئی تماشا بھی نہیں ہے

کبیر اجمل

---

---

کس سے میں ان کا ٹھکانا پوچھتا
سامنے خالی مکاں تھا اور میں

کبیر اجمل

---

---

کوئی صدا کوئی آوازۂ جرس ہی سہی
کوئی بہانہ کہ ہم جاں نثار کرتے رہیں

کبیر اجمل

---

---

کچھ تعلق بھی نہیں رسم جہاں سے آگے
اس سے رشتہ بھی رہا وہم و گماں سے آگے

کبیر اجمل

---

---

کیوں بام پہ آوازوں کا دھمال ہے اجملؔ
اس گھر پہ تو آسیب کا سایہ بھی نہیں ہے

کبیر اجمل

---

---

لہو رشتوں کا اب جمنے لگا ہے
کوئی سیلاب میرے گھر بھی آئے

کبیر اجمل

---

---

میں بجھ گیا تو کون اجالے گا تیرا روپ
زندہ ہوں اس خیال میں مرتا ہوا سا میں

کبیر اجمل

---

---

افق کے آخری منظر میں جگمگاؤں میں
حصار ذات سے نکلوں تو خود کو پاؤں میں

کبیر اجمل

---

---